УСВОЕН ПЛАНОТ ЗА ПОДОБРУВАЊЕ НА КВАЛИТЕТОТ НА АМБИЕНТАЛНИОТ ВОЗДУХЗА ОПШТИНА ГЕВГЕЛИЈА ЗА ПЕРИОД 2023 – 2027.

На последната седница на Советот на Општина Гевгелија, советниците го усвоија Планот за подобрување на квалитетот на амбиентниот воздух за Општина Гевгелија. Планот е изработен од фирмата „Технолаб“ од Скопје , согласно договорот со Министерството за животна средина од 2022 година.
Планот за подобрување на квалитетот на амбиентниот воздух за Општина Гевгелија е плански документ чија изработка произлегува од законската регулатива за квалитет на амбиентниот воздух и истиот претставува основа за планирање и релизирање на активности за подобрување на квалитетот на воздухот.
Во Планот за подобрување на квалитетот на амбиентниот воздух се презентирани постојната состојба со квалитетот на воздухот преку ананлиза на потеклото на емисии во воздухот, идентификација на главните фактори и извори на загадување на воздухот и влијанието на загадениот воздух врз човековото здравје.
Целите презентирани во Планот за подобрување на квалитетот на амбиентниот воздух за Општина Гевгелија се базирани на проценетиот квалитет на воздухот на локално ниво при ште се користени податоци од мерната станица во состав на Државниот мониторинг систем за следење на квалитетот на воздухот која во Гевгелија е поставена во октомври 2020 година. Основна цел на Планот за подобрување на квалитетот на амбиентниот воздух за Општина Гевгелија е достигнување на критериумите за квалитетот на воздухот на локално ниво.

Во Планот за подобрување на квалитетот на воздухот за Општина Гевгелија предложени се следните мерки:
Мерки за намалување на емисиите од стационарните извори,
Мерки за енергетска ефикасност, заштеда на енергија и обновливи извори на енергија,
Мерки за контрола, организација и администрација,
Мерки за информирање и алармирање во случај на надминување на граничните вредности ,
Мерки за намалување на емисиите од сообраќајот и
Мерки за намалување на емисиите од секторот отпад
Според податоците во текот на разгледуваниот период во Гевгелија не е надмината годишната гранична вредност за PM10 од 40µg/m3 но во 2021 година надминат е дозволениот број на надминувања на 24-часовната гранична вредност од 50µg/m3. Во текот на разгледуваниот период дозволениот број од 35 надминувања на просечната 24-часовна гранична вредност е надминат во 2021 година кога се регистрирани 49 надминувања.
Податоците од мерната станица во Гевгелија укажуваат дека потенцијална критична загадувачка супстанца во Општина Гевгелија се цврстите честички со големина до 10µm.
За ефикасно следење на текот на имплементација на Планот за подобрување на квалитетот на воздухот во Општина Гевгелија, потребно е следење на дефинираните индикатори придружени на секоја од мерките. Со следење на овие индикатори ќе може да направи оценка на степенот на реализацијата на секоја мерка поединечно. Надлежноста во однос на следњето на реализацијата на мерките е во рамките на надлежностите на Општината Гевгелија и соработката на единицата на локалната самоуправа со надлежните министерства на централно ниво. ... See MoreSee Less

МЕЃУНАРОДЕН ДЕН НА СЕЌАВАЊЕ НА ХОЛОКАУСТОТ ВО КОЈ НАСТРАДАА И 14 ЕВРЕИ ОД ГЕВГЕЛИЈА

Денес е Меѓународниот ден на сеќавање на холокаустот. Генералното собрание на Обединетите нации одлучи да им се оддава почит на жртвите на холокаустот на 27 јануари, датумот кога пред 68 години престана да функционира нацистичкиот концентарциски логор „Аушвиц“.
Во „Аушвиц“ и во другите логори на смртта беа развивани посебни техники за убивање, од гасни комори до смртоносни експерименти на луѓе.
Меѓу жртвите на холокаустот беа и 7.200 македонски Евреи. На 11 март 1943 година 98 проценти од Евреите во Македонија се собрани во скопскиот Монопол, најголемиот број од Битола, Штип и Скопје, и испратени во концентарцискиот логор „Треблинка“ каде што се убиени во гасни комори. Меѓу нив се и 14 Евреи од Гевгелија, од фамилиите Бразилај и Ишула.
Според истражувањата на д-р Владо Картов, во Гевгелија, Евреите пристигнале во почетокот на 80-те години на 19-от век, од Солун. Како трговци, тие веројатно биле привлечени да дојдат во градот, по изградбата на пругата Солун-Скопје, и во Гевгелија отвориле свои трговски дуќани. Живееле во самиот центар на градот, на запад од денешната зграда на Градската библиотека. Нивните дуѓани и куќи за живеење се наоѓале на самата главна улица.
Познати еврејски семејства во градот Гевгелија биле семејствата Бразилај, и Ишула.Евреите се задржале во Гевгелија се до оној кобен за нив 11 март 1943, кога во раните утрински часови, биле собрани од бугарската полиција и со воз транспортирани во фашистичкиот логор во Треблинка, Полска. По војната, на 11 октомври 2000 година, на зградата на поранешната Градска аптека е поставена спомен-плоча со имињата на депортираните Евреи од Гевгелија. ... See MoreSee Less

УТРЕ Е БАДНИК, ВО СРЕДА Е БОЖИЌ.

Православните христијани веќе се подготвуваат за одбележувањето на големиот христијански празник - Христовото раѓање Божиќ.
Традиционално, ќе се слави и Бадник во кругот на семејството покрај богата трпеза.
Бадник ќе се слави утре, на 6. јануари, а во среда, 7. јануари се слави Божиќ.
На третиот Божиќ се слави денот посветен на Светиот Архиѓакон Стефан. Воедно ова е денот кога се слави првата слава по Божиќ. ... See MoreSee Less